poaching الطهي بطريقه البوتشينج او البوشيه من مدونه شغف الطهي
البوتشينج او السلق البطىء :
-السلق البطىء من طرق الطهى بالحراره الرطبه اللي بنستخدم فيها المايه وغالبا ما بتكون المايه دى منكهه بنكهات وتوابل وممكن تكون شوربه مش مايه.
-في طريقه الطهي البطيء بنستخدم اللحوم او الخضروات الرقيقه في الملمس والطعم وحتى انسجتها تكون رقيقه زى السمك البيض صدور الفراخ الفواكه
-درجه حراره السائل في السلق البطىء من 71 ل 82 درئه مئويه يعني المايه تكون يادوب بتعمل فقاقيع وبخار بسيط جدا مش بتغلي. يعني المايه تكون بتتحرك حركه بسيطه جدا
لان لو السائل غلي اللي هيحصل للأكل انو هينزل العصاره اللي فيه وهينشف مش هيكون طري والطريه دي بتستخدم اصلا عشان الاكل يطلع ف الاخر طري
-والسائل اللي بنستخدمه في السلق البطيء نقدر نعمل منو صوص ويتحط مع الاكل اللي سلقناه بالسلق البطيء بيقوى طعم ونكهه الاكل
-في نوعين من السلق البطيء:- السلق البطىء الضحل
:- السلق البطيء بالغمر
- السلق الضحل بيكون فيه كميه السائل تغطي تلتين الاكل يعني لو بنعمل صدر فرخه سلق بطىء لازم يكون من غير عضم وهو في الحله يكون تلت الصدر اللي فوق مش متغطي بالمايه ونغطيه بورق زبده مدهون زبده او بغطه الحله وتفضل درجه حراره السائل من 17 الي 82 الطريقه دي بتجمع بين حاجتين السلق والسلق بالبخار
لان الجزء اللي مش متغطي بالمايه بيستوي من البخار والسائل ده اللي ممكن يتعمل منو صوص
- السلق البطىء بالغمر:
ده بيكون كميه الساءل فيه مغطيه الاكل بالكامل زي البيض البوشيه
-الخطوات المتبعه للطهى بالسلق البطيء:-
- عاده ما بنضيف للسائل توابل واعشاب وخضار وخل او لمون
- وتقريبا كل الاسماك ممكن نعملها بوشيه لان لحوم الاسماك خفيفه ورقيقه
- بالنسبه للدواجن نختار الدواجن اللي عمرها صغير ووزنها صغير
وتكون بدون عضم وجلد
-عشان نمعمل السائل اللي سلقنا فيه صوص ونعزز بيه طعم الاكل
- نضيف معلقه زبده ومعلقه دقيق في طاسه عالنار ونقلب لحد ما الدقيق يستوي يكون لونو اصفر
- نضيف عليه السائل ونضرب بمضرب سلك بسرعه عشان مايخرزش
- نسيبه علي نارهاديه يركز لحد ما يبقي صوص تقيل
- نضيف الملح والفلفل وممكن نقطع الاكل اللي عملناه بوشيه ونضيفي للصوص ونطلعو علي طول ويتقدم معاه
ملحوظه: السلق البطيء مابياخدش وقت كتير . يعني صدر الفرخه بالسلق البطيء بدون عضم او جلد بياخد تقريبا 8 او 10 دقائق لو سيبناه اكتر من كده هينشف وكذالك السمك
تعليقات