طريقه عمل البطاطس المحمره زى الجاهزه french fries

طريقه عمل الفرنش فرايز. البطاطس المحمره  من مدونه شغف الطهى

الطريقه سهله جدا وممكن تتخزن في الفريزر 3 شهور

المكونات:     -بطاطس ((لازم بطاطس للقلي. لو هنعمل كميه منها ونخزنها مثلا 10 كيلو. لازم نجرب واحده نقليها ونشوف بتاعت قلي  ولا هتطلع محلونه)).

-طاسه كبيره او حله كبيره فيها زيت كتيير.
-مناديل مطبخ.

طريقه التحضير:

-نغسل البطاطس كويس ونقطعها صوابع .
-ونولع علي الزيت  يكون درجه حرارته 150 يعني لو حطينا البطاطس ماتتحمرش.
تتسلق في الزيت. 

-ننزل البطاطس في الزيت لحد ماتدبل  ماتتحمرش  لازم تفضل بلونها وكمان .ماتتهريش مننا تكون لسا بتقطم .
- نطلعها علي مناديل مطبخ ونفردها لحد ماتبرد شويه وننشفها كويس.
- وندخلها الفريزر مفروده علي صنيه بردو.
- اول ماتجمد خالص نجمعها علي بعض و نقسمها حصص ونحطها في اكياس.
- ووقت الاستخدام. لازم تتقلي مجمده.
- نطلعها من الفريزر ونسخن طاسه فيها زيت عميق علي درجه حراره 180 لازم يكون الزيت سخن وكتير.
- نحط البطاطس كميه صغيره في الزيت مش كتير . عشان البطاطس  ماتنزلش درجه حراره الزيت.
- اول ما لونها يبقي دهبي نطلعها من الزيت.
- هنلاقيها مقرمشه من برا ومن جوه زي الزبده . ممكن  نخزنها في الفريزر ل 3 شهور
- تتقدم كطبق جانبي مع اللحوم والفراخ . وبيتقدم معاها كاتشب