طريقه عمل صنيه البطاطس بالفراخ من شغف الطهي

طريقه عمل طاجن الفراخ بالبطاطس من مدونه شغف الطهي 

الكميه:                 3 افراد
وقت التحضير:     20 دقيقه
وقت الطهي:       45 دقيقه
المكونات:
3 وراك
3 بطاطس متوسطه
1 بصله كبيره
1 جزره كبيره
1 لتر عصير طماطم
1 كوب شوربه فراخ
ملح
فلفل اسمر
دقيق
2 معلقه زبده
زيت زيتون
زعتر فريش حسب الرغبه
2 فص ثوم
طريقه التحضير:
- نقطع البطاطس والجزر والبصل تقطيعات متساويه . نفرم الثوم
-في حله ستانلس عالنار نحط 3 معالق زيت ونسيبه يسخن كويس نتبل الوراك بالملح والفلفل ونعفرها بدقيق
- ننزل بالوراك في الزيت لازم يكون سخن جدا  نحمر الفراخ بس من الناحيتين ونرفعها من الحله
-ننزل مكان الفراخ بالجزر والبصل والبطاطس  والثوم ونديهم تشويحه دقيقتين بس ((نسخن الفرن علي 150))
-ننزل بعصير الطماطم والشوربه والفراخ والملح والفلفل  والزعتر
- ياخدو  5 دقايق  يغلو و بعدين  نحط الخضار في صنيه ونحط الفراخ عالوش ونحط  معلقتين الزبده
وندخلها الفرن لمده 30 دقيقه
-وكده صنيه البطاطس جاهزه . بتتقدم مع الارز الابيض والسلطه الخضرا