طريقه عمل البولونيز الايطالي من شغف الطهي

طريقه عمل اللحمه المفرومه بولونيز بالطريقه الأيطاليه 

صوص البلونيز للمكرونات الايطاليه من مدونه شغف الطهي

المكونات: 
1 كيلو لحمه مفرومه بقري
1 جزره
1 بصل
3 عود كرفس
ملح
فلفل
زعتر
1 كوب شوربه لحمه او فراخ
زيت زيتون
1كوب صلصه طماطم
3 شريحه بيف بيكون
3 فصوص ثوم
جوزه الطيب مبشوره
زبده
ربع كوب مايه بليمون
طريقه التحضير:
- نفرم الثوم ونقطع البيكون والجزر والبصل والكرفس قطع صغيره
في حله كبيره عالنار  نحط زيت الزيتون  ولما يسخن اوي ننزل باللحمه المفرومه  لازم يكون  النار عاليه جدا  عشان اللحمه ماتنزلش عصارتها
ونسيبها مانقلبهاش غير لما تاخد لون بني
-بعدين نقلبها عالناحيه التانيه تتحمر ونرفعها من الحله
- في نفس الحله ننزل بالبصل والكرفس والجزر والبيكون والتوم ونشوحهم لحد مايدبلو 

- ونضيف المايه بليمون شويه بشويه  ونحك الحله بمعلقه خشب
-نضيف اللحمه عالخضار ونضيف الصلصه والشوربه والزعتر والملح والفلفل  وجوزه الطيب ومعلقه زبده
-نغطي الحله ونوطي النار لمده 30 دقيقه  ((كل 10 دقائق نقلبها ولو احتاجت شوربه نزودها))
وكده يبقي صوص البلونيز جاهز  نستخدمه في اللازانيا او ممكن مع المكرونه بالبشاميل  واى نوع مكرونه مسلوقه والفريش  والشبيريد باي