طريقه عمل البشاميل بطريقه صحيحه من مدونه شغف الطهي

الطريقه الصحيحه لعمل البشاميل من شغف الطهي 

المكونات:
1 كيلو لبن
2 معلقه كبيره دقيق
2 معلقه كبيره زبده

جوزه الطيب مبشوره
ملح
فلفل ابيض
1 بصل  صغيره
1 ورق لورا
1 قرنفل
طريقه التحضير:
- نقشر البصله ونحط عليها ورقه اللورا ونغرز فيهم القرنفل  ونحطهم في اللبن
-نسخن اللبن  بس مايغليش
- في حله عالنار نحط الزبده والدقيق علي نار هاديه ونقلب  لحد لما لونو يبقي دهبي
-ننزل باللبن واحده واحده ونضرب بمضرب سلك بسرعه عشان مايخرزش
-نفضل نقلب  ونخلي البشاميل يغلي عالنار  اول ما يغلي  نطفي عليه ونضيف الملح والفلفل وجوزه الطيب
- وكده البشاميل جاهز لو عاوزين نضيف بيض فالاخر خالص لما يبرد ممكن نضيف