طريقه عمل الفراخ البانيه المقرمشه الاسكالوب بانيه من شغف الطهي

طريقه عمل فراخ بانيه. طريقه عمل البانيه من شغف الطهي

المكونات:
صدور فراخ سليمه مش متقطعه
بقسماط عادي مش فيجيتار((ممكن نحط كيس كورن فليكس مطحون معاه))
بيض
دقيق
ملح
فلفل ابيض
بصل
زيت ذره
زبده
طريقه التحضير:
-نتبل البقسماط ملح وفلفل
- لازم يكون صدر الفرخه مخلي من العضم والجلد ويكون صدر كامل علي بعضو مانجيبش متقطع جاهز
- نقطع الصدر بالعرض علي نصين بس   او نفتحو باترفلاي  

- مهم ان يكون سمك  القطعيه تخين  لان الصدور بتستوي بسرعه فلو قطعناها بسمك رفيع هتبقي بتشد
- نضرب البصله في الخلاص مع شويه زيت  ونصفيها ناخد العصاره بس
- نتبل الصدور بالبصل والملح والفلفل لمده 30 دقيقه
-نحط الصدور في الدقيق والبيض والبقسماط
- نرش بقسطام علي صنيه ونحط عليها البانيه وندخلها التلاجه 30 دقيقه
- نطلعها من التلاجه وفي طاسه عالنار  نحط 1 كوب زيت بس  الزيت يبقي مغطي نص الصدرفي الطاسه  مش كل الصدر
- تكون النار متوسطه مش عاليه اوي ولا هاديه اوي
- لما الفراخ تاخد لون دهبي نقلبها عالناحيه التانيه وقبل مانطلعها  نحط معلقه زبده معاها في الزيت
-نطلعها علي مناديل مطبخ وتتقدم مع كاتشب  او مايونيز وبطاطس مقليه 
ملحوظه: الصدور بتستوي بسرعه جدا يعني مانخافيش من سمك قطعه الفراخ ولما يبقي لونها دهبي نطلعها  هتبقي طريه من جوه ومقرمشه من بره