صوص الطماطم الاليطالي للباستا من مدونه شغف الطهي
المكونات:
1 كيلو طماطم طريه وحمرا
1 بصله
5 فصوص ثوم
ربع كوب ريحان فريش
زيت زيتون
ملح
فلفل ابيض
3 معالق صلصه طماطم
طريقه التحضير:
-نفرم البصل والثوم ونقطع الريحاان شيفوناد زي الشرايط كده
-نغلي مايه . نفتح فتحه في الطماطم بالسكينه وننزلها في المايه اللي بتغلي 20 ثانيه ونطلعها تاني في مايه بتلج
- نشيل قشر الطماطم ونفرمها بالسكينه
-في حله عالنار نضيف زيت الزيتون وننزل بالبصل والثوم ونشوحو لحد ما يبقي لونو دهبي
- ننزل عليهم بصلصه الطماطم والطماطم المفرومه وشويه مايه وملح وفلفل
ونسيبها عالنار او ماتغلي نوطي عليها النار لمده 25 دقيقه
- نرفعها من عالنار ونضربها في الخلاط وبعدين نرجعها تاني ف الحله عالنار
- نزود شويه مايه ونسيب الصلصه تاخد غلوه عالنار
- اول ماتغلي نحط فيها الريحان ومعلقتين زبده ونطفي عليها وكده تبقي جاهزه
نستخدمها مع المكرونات والرافيولي
تعليقات