طريقه عمنل الكشري المصري بالطريقه الصحيحه

طريقه عمل دقه وشطه الكشري المصريطريقه عمل صلصه الكشري المصريطريقه عمل الكشري المصري بالدقه  من شغف الطهي

المكونات:

الصلصه والتقليه :-
طماطم
بصل ابيض
كسبره ناشفه
خل
ملح
فلفل
الدقه:- 
1كوب صلصه كشري
1/4 كوب خل
1/4 كوب ليمون
1 معلقه كمون
1/2 معلقه كسبره
5 فصوص ثوم
الكشري:-
رز
عدس بجبه
حمص
اسباجتي
مكرونه مرمريه
شعريه
الشطه:-
قرون شطه ناشفه
شطه بودره
زيت
طريقه التحضير:-
-نضرب الطماطم في الخلاط مع مايه
- نفرم كل الثوم ونفرم شويه بصل ناعم جدا - ونقطع باقي البصل جوليان رفيع للتقليه لازم يكون رفيع اوي
-في حله واسعه عالنار نحط ربع كوب زيت علي نار هاديه وننزل بالبصل ونفضل نقلب
- لحد ما يبقي لونو دهبي  يبقي تقليه يعني  نطلعو علي منديل ونسيبو في الهوا ويكون بعين عن بعضو عشان يرمش
-في نفس الحله اللي عملنا فيها التقليه نضيف البصل المفروم ناعم  وشويه ثوم ونقلب لحد ما لونو يبقي  دهبي 

- ونضيف 1/2 معلقه كسبره وشويه خل وننزل بعصير الطماطم  ونسيبه عالنار لحد ما يتقل  ويبقي صلصه
- نظبط الملح والفلفل والمهم يكون كميه الصلصه كتير عشان هناخد منها للشطه وللدقه
- طريقه عمل الدقه:- في حله صغيره عالنار نحط شويه زيت  وثوم مفروم ونشوحو لحد مايتحول لون البني
ونحط الكسبره والكمون عالثوم ونقلب تقليبتين وبعدين ننزل بالخل والليمون والصلصه
ونسيبها تاخد غلوتين عالنار ونطفي عليها
- طريقه عمل الشطه :- في حله صغيره عالنار فيها ربع كوب زيت  ونحط الشطه القرون حوالي 4 او 5 قرون
ونسيبها علي نار هاديه 10 دقايق وبعدين ننزل بالصلصه والزيت سخن وبعدين نحط شويه دقه ونظبط الملح والفلفل
والشطه البودره حسب مانحب ونسيبها  15 دقيقه علي نار هاديه
الكشري:- نسلق المكرونه والحمص والعدس  ونعمل الرز مع الشعريه ويبقي كده جاهز ^_^