سلطه روكا الخضراطريقه عمل سلطه روكا بالمشروم والجرجيرمن مدونه شغف الطهى
المكونات:
جرجير طازج
مشروم طازج
عين جمل
خل بلسمى
زيت زيتون
ملح
فلفل
جبنه بارميزان شرايح
طريقه التحضير:
- ننقع الجرجير في مايه بتلج لمده 10 دقايق
- نغسل المشروم كويس ونشيل منو الساق نستخدم الرؤوس بس
-نقطع الجرجير بأدينا ورقه ورقه نقطع المشروم شرايح بالسكينه(( ولازم يكونو ناشفين من المايه ))
الدريسينج:
- في الدريسينج او التتبيله بتاعت السلطه لازم يكون كميه الزيت 3 اضعاف كميه الخل او الليمون مهما كان نوع الخل
- في الوصفه دي هستخدم خل بلسمي وزيت زيتون يبقي 3 معالق زيت زيتون ومعلقه خل ونحط عليهم الملح والفلفل ونضربهم كويس بالمضرب
نخلط الجرجير بالمشروم ونحطو في طبق التقديم ونحط عليه الجبنه وعين الجمل
- ونرش عليه من فوق الدريسينج اللي عملناه
وكده تبقي السلطه جاهزه
-ملحوظه: ممكن نخلط الجرجير والمشروم والجبنه ونحطهم في التلاجه متغطيين
ووقت التقديم نحط عين الجمل والدريسينج عشان الجرجير لونو مايروحش من الخل ويبقي فريش وعين الجمل يفضل بيقرمش
تعليقات