طريقه عمل الحمام المحشي من مدونه شغف الطهي
الحمام المحشي بالطريقه المصريه
حمام محشي ارز مصري
المكونات:
حمام صغير بلدي ((زغلول))
ارز مصري
كبد وقوانص
ملح
فلفل اسمر
بصل
سمنه
لورق لورا
حبهان
كرفس
فرقه بودره
شوربه فراخ
طريقه التحضير:
- نغسل الحمام كويس بمايه بس وننشفه ونتبله بالملح والفلفل من جوه
-ونفرم البصل نغلي الشوربه
-في حله عالنار نحط معلقه سمنه وزيت
ولما يسخن اوي ننزل بالقوانص ونشوحها علي نار عاليه اوي لحد ما تاخد لون بني من بره وبعدها ننزل بالكبده والبصل ونشوح تاني
- ونشوح البصله لحد ماتدبل نحط الارز ونشوحه لما يسخن اوي ننزل عليه بالشوربه المغليه
( مانحطش كميه شوربه كتيره يعني كميه الشوربه تكون مساويه لسطح الارز ونضيف رشه قرفه بسيطه اوي وملح وفلفل اسمر ((نزود شويه الفلفل الاسمر))
- اول ما الارز يشرب المايه نطفي خالص عليه النار لانه لسا هيستوي تاني
- لما الارز يبرد نحشيه بيه الحمام كده نضمن ان الارز مش هيكبر حجمه تانى والحمام مش هيفتح معانا واحنا بنسلقه
-نقفل الحمام كويس
-نحط حله مايه عالنار ونحط فيها ورق اللورا والكرفس وملح وفلفل ولما تغلي ونسقط فيها الحمام المحشي
- اول مايتسلق نرفعه من المايه عشان ما يتفتحش
-نسيبه لما يبرد وبعدين ممكن نقليه او نشويه او حتي نحطه في الفرن
-ممكن نغلفه ببلاسكت ونحطه ف الفريزر لمده 3 شهور
تعليقات