طريقه تحضير شوربه المنسترون من مدونه شغف الطهي

طريقه عمل حساء المنسترون,شوربه المنسترون من مدونه شغف الطهي

وقت التحضير:       25 دقيقه
وقت الطهي :         20 دقيقه
الكميه:                  3 اشخاص
المكونات:
60 جم فاصوليا بيضاء
2فص ثوم
1 بصله صغيره
2 عود كرفس

1 جزره
2 طماطم
2 ورقه كرنب
2 كوسه
6 فاصوليا خضرا
20 جم مكرونه مرمريه
ريحان فريش
زعتر فريش
بقدونس
جبنه بارميزان
ملح فلفل
شوربه فراخ
5 معلق صلصه طماطم
زيت زيتون
طريقه التحضير:
-ننقع و نسلق الفاصوليا البيضاء ونسلق المكرونه
-نفرم البصل . نحط الريحان والبقدونس والزعتر في مايه  ساقعه
-نقطع البصل والجزر والكرفس نفس حجم الفاصوليا  ونحطهم علي بعض
-نقطع  الفاصوليا والكرنب ونحطهم مع بعض  ونقطع الكوسه ونسيبها لوحدها
-نغلي مايه في حله ونحضر حله مايه فيها تلج
-نعمل فتحه علي شكل + في اخر الطماطم بطرف السكينه وننزلها في المايه المغليه لمده 30 ثانيه ونرفعها في مايه بتلج
- نشيل قشر الطماطم والبذر ونقطعها فنفس حجم المكرونه
-في حله علي نارهاديه جدا  نحط شويه زيت زيتون ونحط الجزر والبصل والكرفس والثوم
-ونقلب عالنار لمده 5 دقايق وبعدين نضيف معجون الطماطم والكرنب والفاصوليا الخضرا ونضيف شوربه فراخ ونقلب تقليبه ونسيبها علي نار هاديه لمده 7 دقايق
-نضيف المكرونه والفاصولي البيضاء والكوسه  والطماطم ونقلب تقليبتين
- بعد دقيقتين نضيف شويه شوربه كمان. ونفرم البقدونس والزعتر والريحان ونضيفه للشوربه ونطفي النار عليها
- في طبق تديم  نضيف الشوربه وعليها رشه جبنه بارميزان مبشوره وورقه بقدونس وبالهنا والشفا