طريقه عمل طاجن العكاوي من مدونه شغف الطهي

طريقه تحضير العكاوي ,طاجن العكاوي,العكاوي بالطريقه المصريه من شغف الطهي

وقت الطهي:            1.45 ساعه
وقت التحضير:           20 دقيقه
الكميه:                  5 اشخاص
المكونات:
1 كيلو عكاوي بقري
1 جزره
1 بصله
2 عود كرفس
1 معلقه ديميجلاس كبيره
2 فص ثوم
ملح
فلفل
زيت
زعتر فريش
ورق لورا
1 معلقه زبده نخلطها ب1 معلقه دقيق(ونشكلها علي شكل كور )
2 كوب عصير طماطم
2 كوب شوربه فراخ
2 برتقال
طريقه التحضير:
- نقطع البصل والكرفس والجزر تقطيعات متساويه  ونفرم الثوم
-نبشر قشر البرتقال ونحطه مع البصل والكرفس والجزر
-ناخد عصير ال 2 برتقال نحطو عالشوربه
-في حله عالنار نحط معلقتين زيت ونسيبه يسخن كويس
-نتبل اللحمه بالملح والفلفل الاسمر لما الزيت يسخن اوي ويبتدي يدخن نحط فيه اللحمه بعيد عن بعص
- نحمراللحمه كويس تاخد لون بني من كل الاتجاهات ونطلعها علي جنب
-ننزل في نفس الحله بالبصل والكرفس والجزر ونهدي عليهم النار لحد ما يبقي لونهم بني فاتح
-ننزل بالثوم ونقلب تقليبتين
- نرجع اللحمه تاني للحله  ونحط صلصه الطماطم والشوربه والديميجلاس وورق اللورا والزعتر وبشر البرتقال

-نعلي  النار  لحد ما كل المكونات تغلي  ونحط  كور الدقيق بالذبده
-نغطي الحله كويس وندخلها الفرن علي درجه حراره 150 لمده ساعه ونص
- ممكن تنسيبها عالبوتوجاز من فوق  بس نهدي عليها النار ونغطيها كويس
* لو احتاجت شوربه ممكن نزودها شويه
* بعد ساعه ونص هتكون جهزت . ممكن نقدمها مع  بطاطس مهروسه او ريزوتو