طريقه عمل قلقاس بالسلق,القلقاس بالسلق من شغف الطهي

طريقه تحضير القلقاس المصري بالسلق, طريقه عمل قلقاس بسلق من شغف الطهي

اولا طريقه عمل السلق
المكونات:100 جم ورق سلق متقطع
20 جم ورق كسبره متقطعه
1/4 كوب سمن بلدي
* قلقاس
ورق لورا
ثوم
ملح
فلفل
طريقه التحضير:
اول طريقه
*دي لون السلق فيها بيبقي اخضر اوي بس طعمو مش بيبقي قوي*
-نحط السمنه والسلق والكسبره في حله عالنار
- ونقلب لحد ما السلق يدبل  وبعدين نحطه في خلاط  بالسمنه ونضربه
- دي اول طريقه هنلاقي السلق لونه اخضر بس الطعم مش قوي
تاني طريقه
*الطريقه دي السلق بيكون متحمص فيها  بتبقي نكهته قويه  بس بيكون لونوغامق *
- نحط السلق والكسبره والسمنه في حله عالنار ونقلب  لحد ما السلق يتحمر نفضل نقلبه
وندعكه في الحله بمعلقه  لازم يتحمص كويس بس مايتحرقش
طريقه عمل القلقاس:
-نقشر القلقاس ونقطعه مكعبات وننقعه في مايه دافيه ل 12 ساعه
-نغسل القلقاس كويس جدا
- في حله  نسخن شوربه فراخ او لحمه  ولما  تغلي  نهدي عليها النار وننزل فيها القلقاس مع ورقه لورا
- مانقلبش القلقاس خالص نسيبه وندوقه بعد فتره نشوف استوي ولا لا
- لما يستوي  نحط فيه السلق والملح والفلفل
- نفرم ثوم ناعم جدا  وفي طاسه عالنار  نحط الثوم ومعلقه سمنه لحد ما الثوم يصفر
- ننزل بالثوم علي القلقاس
- وكده القلقاس جاهز وبيتقدم مع ارز ابيض